Винокуров Василий Павлович

1953

          Бэс ыйын 8 күнүгэр Майаҕа төрөөбүтэ. 1970 с. Бүтэйдээх физико-математическай кылааһын бүтэрбитэ. 1970 с. СРКПУ үҥкүү салаатыгар үөрэнэ киирэр. 1972-74 сс. ССРС сэбиниилээх күүһүгэр сулууспалаабыта. 1974 с. Кемеровскай судаарыстыбыннай култуура үнүстүүтүгэр үөрэнэ киирэр. 1978 с. үөрэҕин бүтэрэн, Майа култууратын дьиэтигэр балетмейстерынан ананан үлэлиир.

Василий Павлович Өрөспүүбүлүкэҕэ, Арассыыйаҕа, омук дойдутугар биллэр, “Кыталык”  оҕо үҥкүү ансаамбылын  төрүттээччитэ. Сахалыы үҥкүү сайдарыгар бэйэтин сүдү кылаатын киллэрбитэ. Ансаамбыл 1979 с. «Народный», 1979 с. «Образцовый детский коллектив России», 2004 с. өрөспүүбүлүкэлэр лауреаттара ааты ылар. Москубаҕа 1985 с. Бүтүн аан дойдутааҕы XII-с  Эдэр ыччаттар уонна устудьуоннар фестивалларыгар  диплом  ылаллар. Кини биир бастакынан өрөспүүбүлүкэ улуустарыгар бальнай үҥкүү киириитин көҕүлээччитэ-тэрийээччитэ буолбута.

Саха АССР култууратын үтүөлээх үлэһитэ, СӨ үөрэҕириитин туйгуна, Саха Комсомолун бириэмийэтин лауреата, “СӨ учууталларын учуутала”, “СӨ спордун уонна физическай култууратын сайыннарыыга үлэтин иһин” бэлиэ хаһаайына, СӨ Ил дарханын В.А. Штыров бочуотунай грамотатынан наҕараадаламмыта. Мэҥэ Хаҥалас бочуоттаах олохтооҕо.